🗃️Database တည်ဆောက်မယ်

အခုကျနော်တို့အတူတူ database တစ်ခုကိုတည်ဆောက်ရင်း Database ရဲ့ property တွေ view တွေ filter တွေ နဲ့ sort လုပ်နည်းတွေကို လဲ စမ်း သပ်ကြည့်ရအောင်ဗျ

Table တစ်ခုတည်ဆောက်ကြည့်ရအောင်

• အရင်ဆုံး Page အသစ် တစ်ခုကိုဖန်တီးပြီးတော့ Table ကိုရွေးလိုက်ပါ

• ညာဘက်ထိပ်ဆုံးမှာ ရှိတဲ့ Name ဆိုတဲ့ column လေးကတော့ ကိုယ့် database ထဲမှာထည့်မယ့် page တွေရဲ့နာမည်ကိုဖြည့်ရတဲ့နေရာလေးပါဗျ

• နောက်ထပ်ဘေးက column တွေနဲ့ ထပ်ပြီးထည့်မယ့် column တွေကိုတော့ Notion မှာ property တွေလို့ခေါ်ပါတယ်

• Property တွေရဲ့ ထိပ်ဆုံးက ခေါင်းစဉ်လေးကို နှိပ်ပြီးတော့ ပေါ်လာတဲ့ menu ထဲကနေ Property type တွေပြောင်းလဲရွေးချယ်လို့ရပါတယ်။

Add data to your table

• ဥပမာ အနေနဲ့ ကျနော်တို့ task database လေးလုပ်ကြည့်ပါမယ်

• ကိုယ်လုပ်ရမယ် tasks တွေကို Name column မှာ ထည့်ပါ

• Tags column ကိုတော့ multi-select property ကိုအသုံးပြုပြီး priority လေးတွေသတ်မှတ်လို့ရအောင် . P1, P2 , P3 လေးတွေကိုထည့်ကြည့်ပါမယ်ဗျ

• နောက်ထပ် property အသစ်ထပ်ပြီးထည့်ဖို့အတွက် Tags ရဲ့ဘေးနားလေးက + လေးကိုနှိပ်လိုက်ပါ

• ပြီးရင် Due Date လို့နာမည်ပေးပြီးတော့ Property type ကို Date လို့ရွေးချယ်လိုက်ပါဗျ။ ဒါဆိုရင်အခု Due Dateအောက်က အကွက်လေးကိုနှိပ်လိုက်တာနဲ့ date picker လေးပေါ်လာတာကိုတွေ့ရပါမယ်

Database ထဲက row တွေကို page အနေနဲ့ဖွင့်ကြည့်မယ်

Database ထဲက row တစ်လိုင်းစီက page တစ်ခုစီဖြစ်နေတာမို့ page တွေထဲမှာ ကိုယ်လိုချင်တာတွေကို လိုသလောက်ထပ်ပြီးထည့်လို့ရတယ်ခင်ဗျ

• အခုလုပ်ထားတဲ့ Task ဆိုတဲ့ database ထဲမှာဆိုရင် page တစ်ခုချင်းစီရဲ့အောက်မှာ သက်ဆိုင်ရာ task တွေနဲ့ ဆိုင်တဲ့ အရာတွေထည့်လို့ရတယ်

• row တစ်ခုကို Page အနေနဲ့ဖွင့်ကြည့်ချင်တယ်ဆိုရင် Name column ပေါ်မှာ Mouse လေးကိုသွားတင်ပြီးတော့ OPEN ကိုနှိပ်လိုက်ရင် ဒီလိုလေးပေါ်လာပါလိမ့်မယ်ဗျ

• ဒီနေရာကနေပြီးတော့ page ထဲမှာပါစေချင်တဲ့ detail information အပြင် ကျနော်တို့ Property တွေထပ်ထည့်တာတို့ ရှိပြီး သား property တွေကို အမျိုးအစားပြောင်းတာတို့အကုန်လုပ်လို့ရပါတယ်ဗျ

Database View အသစ်တွေဖန်တီးမယ်

တူညီတဲ့ data တွေထည့်ထားတဲ့ တူညီတဲ့ database ကိုမတူညီတဲ့ပုံစံ View တွေနဲ့ ကြည့်လို့ရပါတယ်ဗျ။ အခုလက်ရှိိ database ကို board တစ်ခုအနေနဲ့ပြတာဖြစ်ဖြစ်၊ Calendar အနေနဲ့ပြတာဖြစ်ဖြစ် ၊ List အနေနဲ့ပြတာဖြစ်ဖြစ် အချိန်မရွေးပြောင်းလဲလိုရပါတယ်ဗျ

• table ရဲ့ ဘယ်လက် အပေါ်ဆုံး ဒေါင့်မှာရှိတဲ့ + လေးကိုနှိပ်လိုက်ပါ

• ကိုယ့်ရဲ့ view အသစ်ကိုနာမည်ပေးပြီးတော့ Board ကိုရွေးချယ်လိုက်ပါ

• ဒီလိုဆိုင် table ထဲကရှိတဲ့ page တွေကို board တစ်ခုပေါ်မှာ card အနေနဲ့ပြပြီးတော့ tag အမျိုးအစားပေါ်လိုက်ပြီး စီပေးထားတာကိုတွေ့ရပါလိမ့်မယ်။ card တစ်ခုစီကို နှိပ်ကြည့်ရင်လဲ page အနေနဲ့ပွင့်လာမှာဖြစ်ပါတယ်ဗျ။ ခုဏက database ကိုပဲ မတူညီတဲ့ တင်ဆက်မှု ပုံစံအသစ်ပြောင်းသွားတာပါ

Data တွေကို Filter လုပ်မယ် Sorting လုပ်မယ်

Filter လုပ်ထားပြီး ကြည့်ရင် ရှုပ်နေတဲ့ data တွေတောင်ရှင်းသွားပါတယ်။ ကိုယ်လိုချင်တာမြင်ချင်တာကိုပဲ ရွေးပြခိုင်းတာကို Filter လုပ်တယ်လို့ခေါ်ပါတယ်ဗျ

• Table ရဲ့ ထိပ်ဆုံးက Filter ဆိုတာလေးကိုနှိပ်ပြီး ပေါ်လာတဲ့ အထဲကတွေးတာဖြစ်ဖြစ် + Add advanced filter ဆိုပြီး filter ထည့်လို့ရပါတယ်ဗျ

• ကိုယ်နဲ့ ကိုက်ညီမည့် အမျိုးအစားကိုရွေးချယ်လိုက်ပါ

  • ဘယ် property နဲ့ filter လုပ်မယ်ဆိုတာကိုအရင်ရွေးပါ

  • ဒီမှာတော့ Tags ဆိုတဲ့ property ကိုရွေးပြီးတော့ P1 လို့ ရွေးပေးလိုက်ရင် အဲ့ဒါက p1 ပါတာကိုသာဖော်ပြပါလို့ အဓိပ္ပါယ်ရပါတယ်ဗျ

Sorting လုပ်တာကကျနော်တို့ကို data တွေရှာတဲ့အခါအများကြီး အထောက်အကူပြုတယ်ဗျ ကိုယ့်ရဲ့ data တွေကို priority , date, tags အစရှိတာတွေနဲ့ sorting လုပ်လို့ရပါတယ်

• table ရဲ့ထိပ်ဆုံးမှာရှိတဲ့ Sort ကိုနှိပ်ပြီးတော့ ကိုယ် sorting လုပ်ချင်တဲ့ အမျိုးအစားကိုရွေးချယ်လို့ရပါတယ်

  • ဥပမာ Due Date ကိုရွေးပြီးတော့ Ascending လို့ရွေးလိုက်ရင် အနီးဆုံးနေ့ရက်ကနေ အဝေးဆုံးနေတွေထိိ data တွေကို စီပေးသွားတာတွေ့ရပါလိမ့်မယ်ဗျ

ပြောင်းလဲမှုများကို ချက်ချင်းတွေ့ရပါလိမ့်မယ်ဗျ ။ ဒီနည်းအားဖြင့် database ထဲမှာစီမံခန့်ခွဲမှုများကိုလိုသလိုပြုလုပ်နိုင်ပါတယ်